​​
​ស្ត្រីមេម៉ាយ និងក្មេងកំព្រា៤នាក់ដង្ហើយហៅឲ្យសប្បុរសជនជួយ
ដោយ - Mon,09 September 2019 (Time 08:27 PM)

ខេត្តមណ្ឌលគិរី៖ ស្រីមេម៉ាយត្រូវជា យាយក្មេងកំព្រា៤នាក់ រស់នៅក្នុងភូមិពូទុង ឃុំចុងផ្លាស់ ស្រុកកែវសីមា កំពុងតែដង្ហើយហៅរកសប្បុរសជន ជួយឧបត្ថម្ភគាំទ្រទៅលើការសិក្សារបស់ក្មេងប្រុសស្រីទាំងបួននាក់ពីព្រោះសព្វថ្ងៃនេះគាត់មានការខ្វះខាត ពុំមានលទ្ធភាពឲ្យក្មេងកំព្រាបានចូលសិក្សាគ្រប់គ្នា។

តាមការរៀបរាប់របស់ស្ត្រីមេម៉ាយម្នាក់ត្រូវជាយាយរបស់ក្មេងកំព្រា ក្រោយពីឪពុកម្ដាយរបស់គេត្រូវជាក្មួយរបស់គាត់ បានធ្វើអត្តឃាតស្លាប់ទាំងប្ដីប្រពន្ធដោយបំផ្ទុះគ្រាប់បែកកែច្នៃ បើគិតមកដល់ពេលនេះមានរយៈពេលជាងមួយឆ្នាំហើយ។

ហេតុការណ៍បំផ្ទុះគ្រាប់បែកកែច្នៃនោះបានកើតឡើងនៅក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ក្នុងអំឡុងឆ្នាំ២០១៨ ហើយស្ត្រីមេម៉ាយត្រូវជាយាយក៏បានយកកូនប្រុសស្រីជនរងគ្រោះមកចិញ្ចឹម តែដោយសារគាត់ជាស្រីមេម៉ាយពុំមានមុខរបរច្បាស់លាស់ ដូច្នេះហើយគាត់ពុំមានលទ្ធភាពឲ្យក្មេងប្រុសស្រីទាំង៤នាក់នេះបានចូលរៀនគ្រប់គ្នានោះទេ។

ដោយរកបានព្រឹកខ្វះល្ងាច សព្វថ្ងៃនេះគ្រួសារខាងលើ បានអ្នកជិតខាងជួយឧបត្ថម្ភជាសំលៀកបំពាក់ និងអង្ករ ហេតុតែមើលឃើញពីភាពខ្វះខាតរបស់យាយ និងចៅទាំង៤នាក់នេះ ក្នុងចំណោមក្មេងកំព្រាមានក្មេងប្រុសម្នាក់មានជំងឺប្រសៃប្រសាទទៀតផង។

ដោយឃើញពីភាពខ្វះខាតក្នុងជីវិតគ្រួសារ និងការសិក្សារបស់ក្មេងកំព្រាទាំង៤នាក់ ស្ត្រីមេម៉ាយត្រូវជាយាយ លើកដៃសំពះសុំដល់សប្បុរសជននានា ដែលមានក្តីមេត្តា សូមមេត្តាជួយឧបត្ថម្ភ ដើម្បីឲ្យក្មេងៗប្រុសស្រីទាំង ៤នាក់បានចូលរៀននៅសាលានឹងគេ៕ដោយ៖រមនា

ចំនួនអ្នកទស្សនា
ថ្ងៃនេះ​ 690 នាក់
ម្សិលមិញ ​ 1215 នាក់
សប្តាហ៍នេះ​ 8359 នាក់
សរុបទាំងអស់​ 293723 នាក់

បុរសជនជាតិចិន បើករថយន្តស៊េរីទំនើប​លឿនទៅ​បុក​របាំ​ង​ថ្មចែក​ទ្រូង​ផ្លូវ​បណ្ដាលឲ្យ​នារី​ម្នាក់​រងរបួស

បាក់​ដី​ច្រាំង​ទន្លេ​ក្រោយ​ទឹកសម្រក បង្ក​ជា​មហន្តរាយ​ធ្ងន់ធ្ងរ​ដល់​សម្បត្តិ​រដ្ឋ និង​ឯកជន

ព្រះចៅអធិការវត្តកណ្តាលបួស ២២ឆ្នាំហើយ ត្រូវភ្លើងឆេះកុដិ អស់ទឹកប្រាក់ជិត៣ម៉ឺនដុល្លា

យុវជន៤ នាក់ រងរបួសធ្ងន់ដូចគ្នា ដោយសារ ជិះម៉ូតូបុក ជាមួយម៉ូតូដូចគ្នា មូលហេតុ បត់ក្នុងស្ថានភាពគ្រោះថ្នាក់

ម្ចាស់ស្រណោះសត្វក្របីចំនួន ៨ក្បាល បានងាប់ដោយសាររន្ទះបាញ់!